Asawa naghikog tungod kay gustong mokanta

SA SOBRANG kahiubos nga gibati sa asawa ngadto sa iyang bana, misuway kini og hikog pinaagi sa paglaslas sa iyang pulso niadtong Domingo mga alas 6 sa gabii sa lungsod sa El Salvador, Misamis Oriental.

Giila ang biktima nga mao si Ronilyn Tuslok, 20, minyo, sa susamang dapit.

Saysay sa igsuon sa biktima nga iyang namatikdan ang biktima og ang bana niini nga nagkalalis tungod sa giingong DVD. Gituohang gustong mokanta ang biktima apan wala kini gitagad sa iyang bana og giingong padayon sa pagpasalida.

Gituohang miabot sa punto nga nagkalalis og nagbinayloay na dayon og dili maayong mga pulong ang magtiayon.

Milakaw ang asawa og mipaingon sa lawak niini. Gituohang nahiubos sa iyang bana hinungdan nga deretso nga naglaslas sa iyang pulso.

Dihang nasapon kini sa iyang igsuon, gitabang og gidala sa Northern Mindanao Medical Center (NMMC) kinsa padayon pa nga giobserbahan sa mga doktor ning panahona. (Stephanie V. Berganio)