Bigcas magpa-rehab

ANG pagpa-rehab maoy unang lakang nga himoun sa kontorbersiyal nga car dealer human nakaangkon sa iyang temporaryo nga kagawasan niadtong adlawng Lunes.

Wala na gihulat ni Lynard Allan Bigcas nga maabtan pa siya og laing gabii sulod sa prisuhan tungod kay adlawng Lunes sa hapon deretso kining mipyansa og P320 mil.

Si Bigcas nasikop adlawng Sabaado sa kadlawon sa mga sakop sa Philippine Drug Enforcement Agency (PDEA) sa Northern Mindanao, kini human naghupot og armas ug nakuhaan og ilegal nga druga sa iyang sakyanan.

Niadtong Lunes sa buntag, gipasaka kaniya ang kasong illegal possession of firearms, illegal possession of illegal drugs, ug illegal possession of illegal drug parpahernalia.

Gidala kini sa City Prosecutor’s Office alang sa inquest ug giubanan sa iyang mga abogado nga sila si Aimee Torrefranca ug Jerome Jarales. Gi-released kini human nakapiyansa.

Nasayran nga P80 mil alang sa illegal possession of firearms, P200 mil sa possesion of dangerous drugs ug P40 mil alang sa pagdala niini ug drug parpahernalia.

Gibutyag sa abugado niining si Torrefranca nga ang kasong possession of illegal drug paraphernalia ang gi-dismiss tungod sa pipila ka mga teknikalidad.

Gipasabot niini nga ang maong mga drug paraphernalia ang wala deretsong nakuha sa iyang posisyon ug nakita lamang sulod sa iyang sakyanan, gawas pa nga walay search warrant ang PDEA atol sa hitabo.

Apan si PDEA Regional Director Roberto Opeña nibutyag sa Sun.Star Cagayan de Oro nga padayon pa gihapon ang kaso niining paghupot og illegal nga druga ug drug paraphernalia.

Ang kasong illegal drug ang gi-dismissed human boluntaryong misaad si Bigcas nga magparehab. Nagpositibo si Bigcas nga migamit og druga dihang nakuha ang resulta sa pag-eksamin niini sa PNP Crime Laboratory. Si Opeña mapasalamaton nga boluntaryo kining magparehab.

Kahinunmduman unang nihimo og drag race si Bigcas diha sa Rotunda Circle ug dihang nabangga niini ang gisakyang motorbike sa sakyanan sa PDEA.

Nahitabong gisita sa PDEA si Bigcas apan giuban kini ni Bigcas sa iyang pick-up nga Hilux ug didto nakita ang baby armalite ug pipila ka mga illegal drug paraphernalia. Moabot sab og tulo ka gabii nga natulog sa prisuhan sa PDEA si Bigcas.

Naila si Bigcas sa pipila ka mga kasong gikalambigitan niini apan kanunay nga makapiyansa. (ALR)