Baha dili gaba

UBAY-UBAY ka mensahe ang nadawat sa pipila ka mga kagay-anon kalabot sa giingo’ng gaba ang nahitabong pag-ulan didto sa Luzon area nga bahin.

Pipila ka mga Kagay-anon nabalaka tungod kay daghan man ang mga sakop sa pamilya nga anaa sa kaulohan og posibleng apektado sa pagbaha bisan sa giingo’ng walay presensya sa bagyo.

Mas nabahin ang opinyon sa katawhan dihang midaghan usab ang mensahe nga nadawat sa cellphone og daw kini usa ka dakong gaba sa pagpalabang sa Reproductive Health (RH) Bill.

Tipik sa mensahe nagkanayon: “The heavy rains since Sunday until today (kagahapon) despite the absence of a typhoon within Philippine area of responsibility is a sign of heavens warning our president, solons and the people who support the passage of the deceptive RH bill. The heavens do not make this possible! This is a warning to those who defy the will of our creator.”

Tungod niini nga mga mensahe daghan ang nakapangutana kung tinuod ba nga gaba ang nahitabo’ng pagbaha sa kaulohan.

Apan si Messenger Rey Monsanto, parish priest sa Nazareno Church og consultor sa Archdiocesan sa siyudad, nipasabot nga gaba o karma usa ka binuhatan sa katawhan nga gibinuangan ang kinaiyahan apan mobalik kanimo ang balos.

Giklaro niini nga walay koneksyon ang nahitabo sa pagbaha sa kalit nga pagpasar sa RH bill. Usa lamang kini ka dakong coincidence. Gipasabot niini nga ang Ginoo nangita og paagi og maoy nakahibalo unsay insakto o dili.

Kahinumduman walay hunong ang ulan sa kaulohan og grabeng pagbaha nga natigayon.