4 gitumbok sa pagpatay sa nurse

UPAT ang gikumpirma nga suspek sa pagpatay sa usa ka nurse supervisor duha ka semana ang nilabay diha sa Camaman-an ning siyudad sa Cagayan de Oro.

Si Elmer Robas hepe sa Police Station 2 (PS2) sa Cogon nibutyag nga anaa pa sa pagka-shock ang nahibilin nga asawa’ng si Elsie Capapas sa namatay nga kapuyo niining si Mark Casiño, nurse Supervisor sa Northern Mindanao Medical Center (NMMC).

Atol sa unang gihimo’ng imbestigasyon, dili pa masulti ni Capapas kinsa ang nihimo sa krimen kanila.

Si Capapas kinsa samdan pa sa ulo ug aduna pay naangkon nga bun-og sa lawas, nakarekober human sa kapin sa semana og gitumbok ang tulo ka magsuong sila si Gabby, Arman og Vincent nga maoy nihimo sa krimen batok kanila uban sa laing wala maila nga lalaki.

Matud ni Robas nga ila na nga gipasaka ang kasong murder batok sa upat.

Kahinumduman nga nakita na lamang nga nagbuy-od si Casiño nga gituohang gibunalan og bug-at nga butang nga maoy hinungdan sa iyang kamatayon.

Ang magsuon, nga anaa karon gikostudya sa kapolisan og gi-turn over na sa tahanan ng kabataan, mihimakak ug miingon nga dili nila mahimo ang pagpatay tungod kay nakapuyo sila sa puloy-anan ni Casiño sa kapin usa na ka tuig.

Giangkon lamang ni Gabby nga nahiubos siya kang Casiño tungod kay ang iyang giulian nga motorsiklo niini wala gipadala kaniya bisan sa kantidad nga P18 mil nga na-unang bayad na niini. (Stephanie V. Berganio)