Lalaki gitabangan og luba
-A A +AFriday, August 10, 2012
NILANDING sa Northern Mindanao Medical Center (NMMC) ang usa ka lalaki human gitabangan og luba sa tulo ka mga wala mailang suspetsado niadtong Huwebes mga alas 11:24 sa gabii sa Patag ning siyudad sa Cagayan de Oro.
Giila ang biktima nga mao si Jose Benjamin, 24, minyo, residente sa susamang dapit.
Gibutyag sa higala niini nga gikan ang biktima sa usa ka imnanan og apektado na niadtong tungora og ilimnong makahubog.
Daw magsige kini og panghasi sa iyang matabo sa dalan og sumbagay, apan wala gipalabay sa tulo ka mga suspetsado nga wala maila ug deretso kining gitabangan og sukmag dayon deretsong giluba niini makatulo ka higayon miresulta sa pagkaigo sa likod, dughan ug tiyan nga bahin niini.
Ang mga nakasaksi misuway ug gukod sa tulo ka mga suspek, apan mibahad ang tulo nga lubaon ug miaksyon pa og pagpanglabay og bato ug dali nga nangdagan.
Gidali na lamang pagdala ang biktima sa Northern Mindanao Medical Center (NMMC) human naligo na kini sa iyang dugo.
Sa pagsulat ning balita, padayon pa nga giobserbahan sa mga doktor ang biktima. (SVB)
Gipatik sa mantalaang SuperBalita Cagayan de Oro Agosto 11, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
