Lalaki naglaslas
-A A +AFriday, August 17, 2012
NILANDING sa balay tambalanan ang usa ka lalaki human giingong misuway ug laslas sa walang bahin sa pulso niini kagahapon mga alas 12 sa kaadlawon sa Ramonal Village ning siyudad sa Cagayan de Oro.
Giila ang biktima nga mao si Vector Semugan, 29, ulitawo, sa susamang dapit.
Gibutyag sa silingan nga nagdala sa biktima nga wala niini maagwanta ang kasakit sa dughan dihang gibulagan kini sa iyang uyab niadto lamang gabhiona.
Giingong talagsa lang kaayo nga mahigugma ang biktima ug dako kaayo ang kahiubos niini sa dihang gibulagan kini sa iyang uyab sa wala gikabutyag nga rason.
Dali kining mikuha ug kutsilyo ug deretsong gilaslas ang pulso nga dihang nakita sa iyang higala deretsong gidala sa Northern Mindanao Medical Center (NMMC) kinsa padayon pang giobserbahan sa mga doctor ning panahona. (SVB)
Gipatik sa mantalaang SuperBalita Cagayan de Oro Agosto 18, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
