Gikan sa videokihan gibato, patay
-A A +ASunday, August 19, 2012
PATAY ang usa ka lalaki human gibato sa wala mailang suspetsado niadtong adlaw’ng Sabado mga alas 01:25 sa kaadlawon sa West bound terminal, Bulua ning siyudad sa Cagayan de Oro.
Giila ang biktima nga mao si Tonge Toong, taga lungsod sa Alubijid, Misamis Oriental.
Nasayran nga namatikdan nga unang nag-inom ang biktima og ilimnong makahubog sa usa ka videokihan sa dapit.
Dihang nagbaklay kini, giingong kalit lang kining gibato sa wala mailing suspek ug tungod sa kadako sa bato nga miigo sa iyang ulo, labihan nga kadaut sa ulo ang naangkon sa biktima.
Gidala pagdali ang biktima sa Northern Mindanao Medical Center (NMMC) apan mga alas 12:00 niadtong Sabado sa udto apan nakabsan gihapon sa iyang kinabuhi.
Nakuha pa usab sa mga nurse ang cellphone sa biktima nga anaa sa bulsa niini.
Ang kaso giimbestigahan na niining panahona sa Police Station 7 sa Bulua aron pag-ila sa suspek.
Gipatik sa mantalaang SuperBalita Cagayan de Oro Agosto 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
