Barangay Dengue Brigade angayan buhion

GIPANAWAGAN mismo sa Regional Epedimeology, Surveillance and Disaster Response Unit (RESDRU) sa Department of Health ang mga lokal nga kagamhanan nga unta buhion pag-usab ang Barangay Dengue Brigade aron masumpo na ang kaso sa dengue nga ni-anam na usab sa pagsaka.

Mokabat sa 55 ka mga barangaya sa tibuok Rehiyon 10 ang nitala ug sobra sa tulo ka kaso sa dengue.

Gipaabot ni Dr. David Mendoza, hepe sa RESDRU nga ang 28 ka mga barangay nga adunay sobra sa tulo ka kaso sa dengue ang nahimutang dinhi sa siyudad sa Cagayan de Oro mao ang Agusan, Balulang, Bayabas, Barangy 12, Barangay 18, Bayabas, Bonbon, Iponan, Kauswagan, Lapasan, Lumbia, Macabalan, Macasandig, Nazareth, Patag, Pagatpat, Puerto, Puntod, Tablon, Bugo, Bulua, Camaman-an, Canitoan, Carmen, Cugman, Dansolihon, Gusa, ug Indahag.

Samtang 17 niini nagikan sa mga barangay sa Misamis Oriental, nga gilangkuban sa Barangay Poblacion sa mga lungsod sa Claveria, El Salvador, Initao, Salay, Talisayan, Vilanueva, ug Opol.

Apil sa apektado ang Barangay Aplaya ug Lower Jasaan Jasaan sa lungsod sa Jasaan, Punta Silum sa Manticao, Barra ug Igpit sa lungsod sa Opol, ug Natomulan, Rosario, Sta. Ana ug Sta. Cruz sa lungsod sa Tagoloan.

Kini basi sa monitoring nga gihimo sa RESDU hapit mag-usa ka bulan gikan sa ilang unang monitoring. (SVB)