Magsuon na-hit and run
-A A +AWednesday, August 22, 2012
IMBES eskwelahan, ospital ang gipadulngan sa duha ka magsuon human nasaghiran sa wala matinong sakyanan kagahapon mga alas 6 sa buntag sa Bulua ning siyudad sa Cagayan de Oro.
Giila ang biktima nga mao sila si Juliet Sumastre, 8, ug igsuong si Raney 6, residente sa susamang dapit.
Nasayran nga sayo nagbaktas ang mga biktima alang sa ilang klase sa alas 7 sa buntag. Patabok na unta ang duha kay adunay paliton nga balon sa dihang kalit lang silang nabanggaan sa wala mahibaw-an nga sakyanan.
Hinungdan nakaangkon ug bun-og ug samad sa ilang lain laing parte sa kalawasan.
Si Raney gawas sa bun-og mireklamo nga sakit kaayo iyang mga tiil.
Tungod niini daling gipangdala ang mga biktima sa Northern Mindanao Medical Center (NMMC) kinsa padayon pa nga giobserbahan sa mga doktor.
Ang inahan nanawagan sa kinsa man ang nakakita sa insidente unta motestigo aron mailhan ang sakyanan ug ang giingong walay kalouy nga driver nga mibiya lamang sa iyang mga anak human sa insidente. (SVB)
Gipatik sa mantalaang SuperBalita Cagayan de Oro Agosto 23, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
