Lalaki nagtaban pa og kutsilyo
-A A +AFriday, September 14, 2012
TALANDUGON ang kahimtang sa usa ka lalaki human giluba ug nagtaroy pa ang kutsilyo sa buko-buko niini niadtong Huwebes mga alas 8:00 sa gabii sa lungsod sa Manticao Misamis Oriental.
Giila ang biktima nga mao si Edgardo Neri, 30, residente sa susamang dapit.
Ang inahan sa biktima nisaysay nga iya lang gisugo ang iyang anak og papalit apan mao na lamang iyang nadawat nga giluba na ang biktima.
Giingong samtang nagbaklay ang biktima, kalit lang kining giduolan sa wala mailang suspek ug samtang nagtalikod niadtong tungora gisunod kini sa suspek ug deretsong giluba ang buk-buko niini.
Tungod sa kalawom, dili maibot ang kutsilyo ug nagtaroy pa kini sa iyang buko-buko dihang daling gidala sa Northern Mindanao Medical Center (NMMC) ning siyudad sa Cagayan de Oro.
Sulod pa mismo sa emergency room sa NMMC gikuha ang kutsilyo ug sa pagkakaron giobersbahan pa ang biktima tungod kay kritikal pa ang kahimtang.
Ang wala mailang suspetsado ang gipangita na karon sa kapolisan sa Manticao Police Station.
Gipatik sa mantalaang SuperBalita Cagayan de Oro Septembre 15, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
