Patay sa dengue
-A A +AFriday, September 14, 2012
NAKABSAN gyud sa iyang kinabuhi ang usa ka 48 anyos nga lalaki human gituohang napaakan og lamok nga nagdala og dengue didto sa lungsod sa Salay, Misamis Oriental.
Giingong nagsugod ang hilanat sa biktima nga mao si Rojelio Babate, minyo, sa susamang dapit niadtong Huwebes.
Saysay sa inahan sa biktima nga ang ilang puloy-anan nahimutang sa suba nga bahin ug dili gyud kaayo limpyo ug normal na alang kanila ang mapaakan og lamok.
Niadtong Huwebes, giingong kalit lang nagluya si Babate ug taas kaayo ang hilanat hinungdan nga gidala pagdali ang biktima sa Northern Mindanao Medical Center (NMMC) mga alas 6:00 sa hapon ug pagka alas 1:01 sa kaadlawon kagahapon nakabsan kini sa iyang kinabuhi.
Nasutang gi-dengue ang biktima ug maoy hinungdan sa iyang kamatayon.
Daw kini pa usab ang natala sa maong lungsod nga namatay sa maong sakit. Aduna usab niingon nga posibleng dili kini mao ang hinungdan sa kamatayon tungod kay deretso dayon kining namatay.
Gipatik sa mantalaang SuperBalita Cagayan de Oro Septembre 15, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
