DTI nanawagan sa helmet user

ANG Department of Trade and Industry (DTI-Region 10) nanawagan sa tanang nga mga helmet user nga dili na hulaton ang December 31, 2012 kon deadline sa pag-inspect sa helmet aron dili magpila ug taas ingon man dili mataranta.

Kahinumduman nga estriktong ipatuman na ang balaod nga R.A No. 10054 o Motorcyle Helmet Act of 2009 nga gipostpone hangtod ning umaabot bulan sa December human ang DTI mihangyo sa Department of Tranportation and Communication (DOTC) nga tagaan sila ug igong kapanahonan nga i-inspect ang mga helmet.

Gikan sa January 1, 2013 sugdan ang implementasyon niini ug ang tanan nga mga motorsiklo nga masapon nga wala nigamit sa protektadong helmet nga nagdala og ICC stickers ang makabayad og multa nga P1, 500 ngadto sa Land Transportation Office (LTO) gikan sa unang kausapakan ug moabot pa ngadto sa P10,000, pagkumpiska sa drivers license nga makasupak makaupat ka higayon.

Bag-ohay lang gi-implementar sa DTI ang letter coding scheme sa pag-eskedyul sa helmet inspection alang sa mga individual owner.

Ang mga helmet owner nga adunay surname nga nagsugod sa letter A ngadto F ang moapply sa bulan sa September. Samtang niadtong letra nga nagsugod sa G ngadto O ang nakaeskedyul sa October samtang surnames nga nagsugod sa P ngadto Z gikatakda sa Nobiyembre.

Ang letter coding scheme nagkombinasyon sa number coding scheme sa plaka sa motorsiklo nga gi-implementar sa DTI-X diin 1 ug 2 (Lunes), 3 ug 4 (Martes), 5 ug 6 (Miyerkules), 7 ug 8 sa Huwebes ug 9 ug 0 sa Biyernes. (SVB)