Na-overdose, patay
-A A +AWednesday, September 19, 2012
PATAY ang usa ka 35 anyos nga babaye human gituohang na-overdose sa giinom nga tambal niadtong Martes mga alas 11 sa gabii sa Barangay Kauswagan ning siyudad sa Cagayan de Oro.
Giila ang biktima nga mao si Anna Marie Toledo, minyo, residente sa susamang dapit.
Natingala ang bana sa biktima human iyang gipukaw ang asawa wala na kini makamata. Hinungdan sa sobrang kataranta niini ug daling gidala ang biktima sa Northern Mindanao Medical Center (NMMC) apan gideklarar nga dead on arrival ang biktima.
Saysay sa bana niini nga bag-o pa nga nanganak ang iyang asawa ug aduna kini gimintinar nga tambal alang sa ubo ug uwahing gihimo niini nagtumar kini og tambal niadtong gabhiona mao nga dako ang pagtuong na-overdose kini sa giinom nga tambal.
Hinuon ang balay tambalan wala pay ekplanasyon kung unsay hinungdan sa kamatayon ni Toledo kung tinuod ba nga na overdose kini. Daghan usab ang nagtuo nga mga posilbeng nabughat ang biktima. (SVB)
Gipatik sa mantalaang SuperBalita Cagayan de Oro Septembre 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
