Natumbahan og kahoy, patay
-A A +AMonday, October 8, 2012
PATAY ang usa ka lalaki human natumbahan og punoan sa kahoy niadtong nilabayng adlaw sa Barangay Mandahilag, lungsod sa Talisayan, Misamis Oriental.
Giila ang biktima nga mao si Ricky Estañol, 36, minyo, residente sa susamang barangay.
Saysay sa silingan niining si Jayson nga maoy nitabang sa biktima ug nidala niini sa Northern Mindanao Medical Center (NMMC) nga namutol kini og kahoy apan wala namatikdan nga ang giputol nga kahoy mipaingon kaniya.
Naligiran ug maayong pagkaigo sa tangkugo niini nga maoy usa sa gituohang hinungdan sa kamatayon sa biktima.
Gidala pa ang biktima sa Talisayan District Hospital apan tungod kay talandugon ang kahimtang niini giduso sa NMMC ning siyudad kinsa dead on arrival nga gideklarar sa doktor. (SVB)
Gipatik sa mantalaang SuperBalita Cagayan de Oro Oktubre 09, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
