Kalinaw sa Mindanao gilauman

GIKALIPAY sa tanang mga sakop sa Muslim sa Mindanao sa panahon nga magmalampuson ang pinirmahay sa peace agreement.

Kini ang ingon ni National Commission of Muslim Filipinos (NCMF) Regional Director Ogie Gandamra sa usa ka interbyu sa sibyaan sa radio, Siya niingon nga tungod sa kadugay na nga konplekto sa Mindanao ug kining peace agreement dako og tabang alang sa kalinaw.

“Kining pagpirma sa signing agreement diha sa Malacanang ikalipay ni sa tanan Muslim sa Mindanao kay dugay na kini kaayo. We hope that this signing of this peace agreement will pave the way solution of decade-conflict in Mindanao,” butyag ni Gandamra.

Gibutyag niini nga tagaan lamang og tsansa nga hisgotan ang kalinaw aron maangkon na kini sa pulo sa Mindanao.

“Let us give chance for peace this time kay basin mao ray kasulbaran sa kalinaw sa Mindanao” dugang niini.

Gipasabot usab niini nga ang nahitabong pagpamomba bag-ohay lang sa usa ka dapit ning siyudad sa Cagayan de Oro, sa Bukidnon nga bahin ug mga kasikbit nga siyudad sa Northern Mindanao walay koneksyon sa gihimong peace agreement.

“It has no connection at all, only coincidental above this, as far as I’m concerned walay koneksyon sa ongoing peace negotiation,” pasabot niini.

Gibutyag niini nga nasayod siya nga girespetu pag-ayo ang maong peace agreement ug walay bisan kinsa maghimo og kadaot o pagsabotahe sa peace agreement.

Kahinumduman, kagahapon sa hapon gihimo ang peace agreement aron mas mopatigbabaw ang kahapsay ug kalinay sa pulo sa Mindanao.