2 gibulagan sa uyab, naghikog

GUSTONG hunoson niining usa ka babaye ug lalaki ang ilang mga kaugalingong kinabuhi human giingong gibulagan sa ilang mga uyab sa managlahing dapit diin mga biktima pulos gipangdala sa Northern Mindanao Medical Center (NMMC).

Unang biktma mao si Nitchie Semio, 16, taga Capistrano Complex, Gusa ning siyudad.

Nasapon si Semio nga nagkadugo ang wala nga bahin sa pulso niini hinungdan nga daling gidala sa NMMC.

Giingong dili madawat sa biktima nga nagkabulag kini sa uyab nga gikatahong taod taod na ang relasyon sa duha.

Hinuon luwas na kini sa makuyang kahimtang apan nagpabilin pa sa balay tambalanan.

Samtang laing biktima nga misuway og hunos sa kaugalingon mao si Hernando Palamine, 25, ulitawo, taga Balingasag, Misamis Oriental.

Giingong sobrang gibati og kasakit ang biktima tungod kay nagkabulag kini sa uyab nga dili madawat sa biktima.

Giingong miinom kini og pesticide nga gisagol sa ilimnong makahubog hinungdan talandugon ang kahimtang niini sulod sa NMMC ning panahona.