Sesyon sa siyudad suspendido

SUSPENDIDO ang regular nga sesyon sa Sangguniang Panlungsod ning siyudad sa Cagayan de Oro kagahapong adlawa human gitakda usab sa mga konsehal sa administrasyon lakip si Mayor Vicente Emano pagsugod sa pangampanya.

Gibutyag ni Emano sa iyang programa sa radio nga ila usab buhaton ang pagpangampanya alang sa ilang mga kandidato pagka-senador atol sa unang adlaw sa kampanya alang sa national candidates kagahapong adlawa.

Una na usab nga gipasa sa konseho niadtong nilabayng semana ang pag-suspende sa ilang regular nga sesyon kagahapong adlawa ug giuswag kini karong adlawa.