Suspension order dili pa madawat sa mga supporters

ILIGAN CITY -- Padayon nga nagprotesta atubangan sa main building sa City Hall ning dakbayan ang mga supporters ni suspended Mayor Celso Regencia.

Kini bisan paman nga na-serve na sa Department of Interior and Local Government-Northern MIndanao (DILG-10) ang implementation order alang sa unom ka bulan nga suspensiyon ni Regencia.

Una na unta nagtakda og flag raising program si Acting Mayor Ruderic Marzo, nga iyang pangulohan apan kalit ra usab kini nga gikanselar tungod kay daghang nakitang dili iladong mga nawong nga nakaplastar sa City Hall compound.

“Dili ko gusto nga adunay mahitabong kagubot tali sa mga supporters nako ug sa mga supporters sa suspendido nga mayor,” miingon si Marzo.

Napadayon ang sinemanang’ pagpakayab sa nasudnong bandila, apan ang mga regular nga kawani nalang sa city hall ang nagtambong ug wala na ang mga piniling opisyal nga nahadlok sa ilang seguridad.

Sa iyang pamahayag sa radyo, miingon si Regencia nga padayon sila sa iyang mga supporters sa pagbarikada atubangan sa City Hhall hangtud nga makakuha sila og tubag sa ilang gipangayo nga temporary restraining order sa Court of Appeals.

Hangyo ni Marzo, dili lang babagan ang mga kliyente nga adunay opisyal nga transaksiyon sa City Hall aron magpadayon ang operasyon human mirel;a,p ang mga regular nga kawani tungod kay naka-istorbo na sa ilang trabaho.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph