NAGUBOT ang mga residente duol sa sa Laguindingan Public Cemetery sa lungsod sa Laguindingan, Misamis Oriental, human nanimaho ang maong lugar tungod kay gipangbangagan ang mga lubnganan sa maong dapit.
Sumala sa taho nga dili mominus ngadto sa walo ka mga lubong ang mga gibangagan diin pareho gayod ang pagkabangag.
Gituohan nga tungod sa tuway-tuway sa mga patay nga lawas diin gitoohan nga gipanguha kini sa mga adunay agud-agod.
Subay pa sa report nga niadtong mahal nga adlaw mga alas 12:00 sa tungang gabii, nakadungog ang mga residente og grabe nga pagbinakbakay apan wala na lamang kini nila gitagad apan tungod na usab sa pagpanimaho na niini, hinungdan nga nabantayan na kini sa katawhan sa maong dapit.
Gikabutyag nga posibleng ritwal gayod ang motibo sa maong pagpangbangag sa mga lubnganan tungod kay usa lamang ka dapit kon abay-abay nga mga pantyon.
Sa pagkakaron, ang maong panghitabo padayon pa nga giimbestigahan sa kapolisan aron masuta ang tinuod nga motibo sa maong insidente. (KCS)