Lalaki misaka sa atop ug gihiwa ang iyang tiyan | SunStar

Lalaki misaka sa atop ug gihiwa ang iyang tiyan

Time to read
less than
1 minute
Read so far

Lalaki misaka sa atop ug gihiwa ang iyang tiyan

Saturday, September 19, 2015

GIHIWA sa usa ka lalaki ang iyang kaugalingong tiyan ginamit ang plain sheet human kini buot nga magpakamatay gumikan na usab sa dakong kabalaka niadtong Biyernes sa Tup-on, Medina, Misamis Oriental.

Anaa sa talandugong kahimtang nga gidala sa Northern Mindanao Medical Center (NMMC) ning dakbayan sa Cagayan de Oro si Danilo Sabuga.

Sa nahipos nga impormasiyon sa Sun.Star SuperBalita gikan sa NMMC diin gidala ang biktima, gikabutyag sa asawa niini nga si Angelita nga nakurat na lamang kini sa panghitabo.

Gidugang pa nga samtang anaa kini sa gawas sa ilang panimalay wala kini makamatikod nga misaka sa atop ang iyang bana ug didto gilaslas ang iyang tiyan ginamit ang sin hinungdan nga maayo nga pagkahiwa niini.

Giingong kanunay nga nagsige og hisgot ang iyang bana nga adunay tawo nga buot nga mopatay kaniya diin mao usab ang gituohang hinungdan nga nakahuna-huna na lamang kini sa pagtapos sa iyang kinabuhi.

Nakaangkon og grabeng samad kon dakong hiwa sa tiyan ang biktima hinungdan nga anaa kini sa kakuyaw nga kahimtang.

Gipatik sa mantalaang SuperBalita Cagayan de Oro Septembre 20, 2015.

View Comments