2 landslide natala sa Misamis Oriental | SunStar

2 landslide natala sa Misamis Oriental

Time to read
less than
1 minute
Read so far

2 landslide natala sa Misamis Oriental

Monday, January 09, 2017

DUHA ka mga kaso sa landslide ang natala sa Misamis Oriental atol sa paghapak sa Bagyong Auring niadtong Lunes, Enero 9, diin gipaubos sa signal number 1 ang probinsya.

Gikumpirma kini Misamis Oriental Provincial Risk Reduction Managment Council Officer-in-Charge Fernando Vincent Dy Jr. sa tungod sa walay hunong nga pag-ulan hinungdan sa paghumok sa yuta nga miresulta sa landslide.

Hinoun sa pagkakaron, giwala na sa Philippine Atmospheric Geophysical and Astronomical Services Administration ang tropical cyclone signal.

Matod ni Dy nga ang unang landslide natigayon sa Barangay Mahayahay, lungsod sa Magsaysay, Misamis Oriental diin apektado ang elektrisidad sa maong barangay tungod sa pagkatumba sa poste diin kini nahitabo niadtong adlaw’ng Dominggo.

Samtang nidahili usab ang yuta sa Puntagorda lungsod sa Jasaan, Misamis Oriental.

Gibutyag ni Dy nga taliwala sa pagpangatagak sa yuta inubanan sa bato maagian gihapon ang dalan sa maong dapit.

Gipanawagan usab niini ang mga nagkadaiyang sakop sa mga barangay nga itaho kanila ang unsa man mga insidente nga mahitabo labina ning nagpadayon nga pag-ulan.

Gilauman nga aduna na usab low pressure area nga mahidangat sa area of responsibility sa nasod.

Gipatik sa mantalaang Superbalita Cagayan de Oro Enero 10, 2017.

View Comments