Babaye gisukmag og buang | SunStar

Babaye gisukmag og buang

Time to read
less than
1 minute
Read so far

Babaye gisukmag og buang

Wednesday, January 11, 2017

NIDANGOP sa kapolisan ang usa ka babaye human gisumbag sa adunay deperensya sa pangisip niadtong Martes, Enero 10, alas 8:46 sa gabii diha sa Capistrano-JR Borja Street, dakbayan sa Cagayan de Oro.

Nagpatala si Teresita Salcedo, 50, minyo, taga JR Borja-Burgos Streets ning dakbayan.

Sa impormasyon gikan sa Police Station 1 sa Divisoria gikabutyag nga kalit lang kining giduolan sa maong gitoohang babaye nga adunay deperensya sa pangisip ug gisumbag sa wala’y igo nga rason.

Nakaangkon og bun-og ang biktima ilabi na sa dalunggan nga bahin hinungdan nga dali kining nagpatala sa kapolisan.

Nasayran nga ubay-ubay ka mga adunay deperensya sa panghunahuna ang padayong naglatagaw sa kadalanan diin una na nga gireklamo gumikan kay daghan na ang nabiktima niini nga susama nga panghitabo.

Sa pagkakaron nakatala na sa maong buhatan ang maong insidente alang sa tukmang disposisyon. (KCS)

Gipatik sa mantalaang Superbalita Cagayan de Oro Enero 12, 2017.

View Comments