Dalagita gilugos, gipatay | Sun.Star

Dalagita gilugos, gipatay

Time to read
less than
1 minute
Read so far

Dalagita gilugos, gipatay

Wednesday, January 11, 2017

NAGBANGUTAN karon ang pamilya sa gipatay nga dalagita kinsa gituohang gilugos sa wala pa mailang suspetsado niadtong niaging semana sa Barangay Lunao, dakbayan sa Gingoog, Misamis Oriental.

Ang biktima giila nga mao si Juliet (apelyido gitago), 17, residente sa dapit kinsa unang na-missing niadtong Disyembre 31, 2016.

Sa pakighinabi sa SunStar SuperBalita ngadto kang Police Officer 3 Ronaldo Hiro-o sa Gingoog Police Station nasayran nga gikan sa pagka-missing nagsige na og pangita ang pamilya sa biktima.

Mga lima ka adlaw ang nilabay gikan sa pagkawala napalgan ang biktima sa kasagbutang nga bahin nga wala nay kinabuhi.

Anaa na sa pagkadugta ang patay’ng lawas niini ug gitouhang giluba ug gibundakan og gahi nga butang.

Basi sa mga nakakita sa patay’ng lawas adunay mga samad dinunggaban ang biktima ug aduna usab mga timailhan nga gilugos kini tungod kay posibleng gipasipad-an sab og lakip ang iyang pribadong parte sa lawas ug giingong wala na usab kini underwear dihang napalgan.

Sa bag-ong kalamboan sa kaso giingong natumbok na ang suspetsado ug gihimoan na og paagi sa kapolisan ning panahona aron madakpan ang suspetsado.

Curfew

Tungod usab sa insidente mismong ang mayor sa maong dakbayan nga si Mayor Marie Guingona niingon nga ipatuman ang curfew ngadto sa mga kabataan aron malikayan ang hitabo.

“Ang mga ginikanan kinahanglan gyod nga magbinantayon ug mag-amping sa ilang mga kabatan-onanan,” kini ang opisyal nga pahayag ni Guingona labina gikakurat og dako niini ang dili tiaw nga hitabo sa iyang gisakopan.

Gipatik sa mantalaang Superbalita Cagayan de Oro Enero 12, 2017.

View Comments