2 taxi driver namago og sex worker priso | SunStar

2 taxi driver namago og sex worker priso

Time to read
1 minute
Read so far

2 taxi driver namago og sex worker priso

Thursday, February 16, 2017

MIREKLAMO ang usa ka sex worker human nga gipagohan sa duha ka mga taxi driver niadtong Huwebes sa kaadlawon, Pebrero 16, sa Capistrano Complex, Barangay Gusa ning dakbayan sa Cagayan de Oro.

Nagtingkagol sa mini-cell sila si Jayson (bansagon gitago) 20, taga Barangay Cugman ning dakbayan ug Jerome (bansagon gitago), 24, taga Casinglot, Tagoloan, Misamis Oriental.

Nasayran nga nagpakitabang ang 16-anyos nga biktima human nga wala mibayad sa insakto ang mga suspek diha sa iyang serbisyo nga unta ubos naman ang pangayo niini ug gani wala na kini sila mobayad og abang sa lawak kay lage diha ra kini sila mismo sa gawas sa taxi diha sa nahisgutang dapit.

Nasuko ang biktima gumikan kay human sa serbisyo niini nga gihimo ngadto sa duha ka mga drayber diin una si Jerome ug misunod si Jayson apan sa dihang nangayo na kini og bayad P300 ra ang kwarta niini hinungdan nga milakaw kini ug wala na magpabayad kay lage nidangop na kini sa buhatan sa kapolisan.

Giingong na pick-up sa mga taxi driver ang sex worker sa Velez Street ning dakbayan ug nisakay sa taxi diin nagkasabot nga bayaran kini og P900 apan mihangyo ang mga suspek hinungdan nga tag P300 na lang matag usa kanila.

Gibutay usab ni Jerome nga kulangan ang ilang kwarta ug mihangyo sa babaye nga ila na lamang nga utangon una apan nasuko na kini ug wala na magpabayad.

“Gibayran man namo kulang among kwarta ba P300 ra, akong kauban si Jayson ang una, wala ko’y kwarta, si Jayson man gabuot-buot ana ingon siya siya daw bayad sa tanan diha sa Gusa Complex, sa taxi ra mi sa gawas sa taxi, nag-churva dayon mi,” pahayag ni Jerome sa interbyu sa radyo.

Gi-angkon usab niini nga na-zero matud pa kini sila atol sa Valentine’s day hinungdan nga nagasabot matud pa nga mangita og babaye.

Sa pagkakaron, ang maong mga suspek ang kasamtangang nagtingkagol na sa mini-cell sa Police Station 3 sa Agora.

Gipatik sa mantalaang Superbalita Cagayan de Oro Pebrero 17, 2017.

View Comments