Babaye nakuhaan og P1.5 milyon nga ‘shabu’ | SunStar

Babaye nakuhaan og P1.5 milyon nga ‘shabu’

Time to read
less than
1 minute
Read so far

Babaye nakuhaan og P1.5 milyon nga ‘shabu’

Monday, March 20, 2017

NASAPON ang usa ka babae sa drug bust nga gihimo sa Divisoria Polive Station niadtong Dominggo sa gabii, Marso 19, sa Barangay Bulua, dakbayan sa Cagayan de Oro.

Giila ang dinakpan nga si Nobaisa Tanggo, alyas Nova, 29, minyo, residente sa Villa Candida, Barangay Bulua.

Atol sa operasyon nasakmit sa mga operatiba gikan sa posisyon niini nga ang mokabat 10.1 ka gramo sa gitouhang shabu nga mobalor og P70 mil.

Dihang gisulod sa mga operatibo ang lawak niini didto narekober ang tulo ka mga dagkong pakete sa gitouhang shabu nga moabot og 211 ka gramo tanan ug adunay kinatibuk-an nga kantidad nga P1,477,000.

Matud ni Mulat nga taod-taod na nilang gipamatikdan ang dinakpan ug malipayon nga milampos ang ilang operasyon.

Tinguha nila karon nga masuta kon kinsay tig supply ni Tanggo nganong moabot sa ingon ani kadaghan ang gitouhang shabu gikan sa mga kamot niini.

Kahinumduman gibutyag sa tigpamaba sa Cagayan de Oro City Police Office nga si Police Chief Inspector Mardy Hortillosa nga ilang target ang mga high value ug bouta puhagon ang source o supplier sa ginadili nga droga. (SVB)

Gipatik sa mantalaang Superbalita Cagayan de Oro Marso 21, 2017.

View Comments