Tinun-an miambak sa tulay | SunStar

Tinun-an miambak sa tulay

Time to read
1 minute
Read so far

Tinun-an miambak sa tulay

Monday, March 20, 2017

PATAY na nga napalgan ang usa ka batan-on kinsa miambak sa tulay sa Sitio Nabulod, Baluarte, dakbayan sa Tagoloan, Misamis Oriental.

Giila ang biktima nga si Jay Are Sabano, hingkod ang edad, residente sa dakbayan sa Villanueva, Misamis Oriental.

Sa inisyal nga imbestigasyon sa Tagoloan Police Station, nasuta nga niadtong adlaw'ng Biyernes, Marso 17, pa kini nawala ang biktima human miambak sa tulay.

Adunay duha ka mga kauban si Sabano niadtong Biyernes nga mao sila si Junel ug Percival kay gikan nag-inom sa usa ka convenience store sa dapit dihang pauli na daw adunay natabo nga giingong pito ka mga lalaki nga pulos nagtaptap ang nawong.

Daw dako ilang pagtou nga sila maoy tuyo sa maong mga lalaki ug tungod kay wala silay madaganan didto sila nangambak.

Nakalingkawas ang duha ka mga higala apan si Jay Are ang daw wala na mitunga sa tubig ug wala na makita niadtong tungora hinungdan ila kining gipangita kauban ang Rescue team sa munisipyo niadtong Sabado ug Dominggo.

Lunes sa buntag napalgan ang patay'ng lawas ni Jay Are nga wala nay kinabuhi ug dako ilang pagtou nga nalumos ang biktima tungod kay wala may nakitang mga samad sa lawas niini.

Ang amahan sa biktima nga si Rodulfo nasubo pag-ayo sa nahitabo sa iyang anak ug gibutyag niini nga walay atraso ug boutan kini.

Gani ang inahan sa biktima anaa karon gawas sa nasod ug maoy nagpaskwela sa biktima ning panahona.

Ang patay’ng lawas gidala na sa usa ka punerarya sa dapit samtang ang kapolisan miimbestigar kung kinsa kadtong mga nakataptap nga gikahadlokan sa biktima ug mga kauban niini.

Gipatik sa mantalaang Superbalita Cagayan de Oro Marso 21, 2017.

View Comments