USA ka dyip pasaheroan ug dili Toyota Innova ang nakarehistro sa plate number nga mikatap sa text nga giingong gisakyan sa mga terorista nga daw tuyo mao ang pagsabotahe sa kahapsay ug kalinaw sa dakbayan sa Cagayan de Oro.
Si Land Transportation Office Regional Director Oscar Salcedo nibutyag nga human mao ang PTK 327 nga giingong Toyota Innova naberipika nga usa kini ka plaka sa pampasahero nga dyip nga gipanag-iyahan ni Hernando Galve.
Matud ni Salcedo nga ila gayud kining giaskyunan deretso sa kabalaka nga basin gayud unya mosabotahe ang maong sakyanan.
Si Cagayan de Oro City Police Office spokesperson Mardy Hortillosa sa maoy nisulti sa maong plaka nga iyang nadawat aron masayod ang katawhan.
Apan gibutyag niini nga nasayod siya nga pwede ra kining gitumo-tumoan sa mga dautang elemento aron mabaling ang atensyon sa pipila sa pagpangita niini imbes sa ilang orihinal nga gisakyan.
Hinuon padayon ang pag-alerto sa kapolisan ug panawagan sa katawhan nga magbinantayon labina sa gikatakdang kasaulogan sa Semana Santa sunod semana. (SVB)
r