9 sapon nag-pot session atol sa drug bust | SunStar

9 sapon nag-pot session atol sa drug bust

Time to read
less than
1 minute
Read so far

9 sapon nag-pot session atol sa drug bust

Friday, April 21, 2017

NASIKOP ang siyam ka mga suspetsado atol sa gipahigayong drug bust operation human nasapon nga nagsuyop niadtong Huwebes, Abril 20, alas 4:25 sa hapon sa Yacapin Extension-Pres Quirino Street, Barangay 34, dakbayan sa Cagayan de Oro.

Sikop sila si Jason Galagar, 26, minyo, taga Phase 28, Calaanan ning dakbayan ug target sa maong operasiyon; Jane Galagar, 25, minyo, kinsa nasapon nga mitabang kang Jason pagpamaligya sa ginadiling droga.

Samtang nasikop usab ang ubang mga dinakpan sulod mismo sa panimalay ni Eddie Galagar taga Barangay 34 sila si Roland Galagar, 36, minyo, taga Kolambog, Lapasan ning dakbayan; Jonas Galagar, 35, minyo, taga Seaside Lapaz 1, Lapasan ning dakbayan; Abner Alquizalas, 30, minyo, taga Gaabucayan Street, Agora, Lapasan; NiƱo Oliver Daguimol, 21, ulitawo, taga Calaanan ning dakbayan; Edward Andoy, 23, minyo, taga Gingoog City ug Renato Fabricante, 25, ulitawo nga taga Barangay 34 ning dakbayan.

Sa nahipos nga impormasiyon gikan sa Police Station 2 ubos ni Police Chief Inspector Mohammad Taufh Aabdulhalim nga napalitan sa ginadili nga droga si Jason gamit ang P200 nga drug bust money ug nakuhaan pa kini og laing pakete sa gitoohang shabu samtang naatlan usab nga nag pot-session ang laing mga dinakpan.

Sa pagkakaron, ang mga suspetsado ang nagtingkagol na sa bilanggoan aron sa pag-atubang sa tukmang kaso batok kanila.

Gipatik sa mantalaang Superbalita Cagayan de Oro Abril 22, 2017.

View Comments