LABIHAN ka hugot nga seguridad ang gipatuman sa kapolisan sa Cagayan de Oro City Police Office (Cocpo) sa pagbukas sa SM Downtown Premier nga nahimutang sa dalan CM Recto Avenue ning siyudad sa Cagayan de Oro.
Gibutyag ni Cocpo spokesperson Mardy Hortillosa nga nalipay siya nga nagkortesiya ang dakong mall kanila pinaagi sa pagpatabang paghatag og seguridad sa nagpunsisok nga katawhan sa maong mall apan bisan pa og walay kortesiya himoun nila ilang tahas sa pagprotehir sa katawhan.
Matud niini nga ang publiko ilang gisirbisyohan hinungdan makita ang kapolisan sa area sa dakong mall aron paghatag og seguridad.
Gisiguro nga walay pagpanabotahe sa dakong kalihokan sa maong mall.
Niadtong adlawng Huwebes, Mayo 11, ang blessings sa mall nga gisaulog pinaagi sa Santos nga misa pagpangulo ni Archbishop Antonio Ledesma.
Anaa ang presensya mismo sa mga dako sa mall pinangulohan ni Hans Sy, amahan sa dakbayan na si Mayor Oscar Moreno ug ingon man sa probinsya nga si Governor Yevgeny Emano.
Gisundan sa nagkadaiyang blessing sa tanan nga mga tenants sa mall sama sa mga fast food chains, bookstore ug uban pa diin anaa lamang ang mga piniling bisita.
Niadtong Biyernes mao gayud ang pormal nga pagbukas sa mall alang sa publiko.