Dalaga gitulis, gipahubo | SunStar

Dalaga gitulis, gipahubo

Time to read
less than
1 minute
Read so far

Dalaga gitulis, gipahubo

Friday, May 19, 2017

GIDALA sa ngitngit nga lugar ang usa ka dalaga ug gitulis dayon gipahubo pa kini niadtong milabay nga adlaw sa Nagac Street, Barangay Carmen ning dakbayan sa Cagayan de Oro.

Nagpakitabang ang usa ka dalaga nga si Sharmen (bansagon gitago), 18, taga Sugbongcogon, Misamis Oriental human sa hitabo.

Sa nahipos nga impormasiyon gikan sa kapolisan sa Police Station 4 sa Carmen nasayran nga samtang nagdula kini sulod sa usa ka Pisonet Station giduolan kini sa wala mailang suspetsado.

Giingong giti-onan ang biktima kutsilyo ug gipakita pa sa kalibre .38 nga armas nga anaa sa kilid sa suspek hinungdan nga napugos kini sa pag-uban.

Gibira ang biktima paingon sa ngitngit nga bahin sa maong dapit ug gipusog pagkuha ang iyang bag.

Human nakuha ang butang niini giingong gipugos pa kini sa paghubo sa iyang gisul-ob nga sinina apan wala kini nagmalampuson sa dihang nagdumili ang biktima.

Swerte na lamang usab kay wala kini dunggaba apan gisumbag kini sa iyang tiyan nga bahin tungod sa kasuko sa suspek gumikan kay wala kini mituman ang maong babaye sa iyang buot nga mahitabo.

Dali usab nga misibat ang suspek sa wala matuki nga direksiyon.

Nadala sa maong suspek ang P1,600 kapin kon kulang ug mahalong cellular phone.

Sa pagkakaron ang maong insidente ang nakatala na sa nahisgutang buhatan sa mga otoridad.

Gipatik sa mantalaang Superbalita Cagayan de Oro Mayo 19, 2017.

View Comments