MARAWI CITY -- Gihangyo ni Lanao del Sur Vice Governor Mamintal Adiong ngadto sa militar nga dili mogamit ug mga “heavy artilleries,” mortar, ug mga helicopters sa ilang operasyon batok sa lokal nga teroristang Maute, kinsa padayon karong gigukod sa puwersa sa gobyerno human kini mi-atake ning dakbayan niadtong Mayo 23 sa hapon.
Kini aron malikayan ang pagka-angin sa mga sibilyan nga nagpuyo sa dapit kung asa nagtago ang mga sakop sa Maute sa ilang gihimong “safe house.”
Kini nga hangyo maoy usa sa mga gihisgutan sa gipahigayong panagtagbo sa Crisis Management Council, pinanguluhan ni Adiong, Mayo 24 sa hapon, sulod sa 103rd Infantry Brigade o Kampo Ranao.
Kauban sa maong panagtagbo sila si General Rolando Joselito Bautista, Commander sa first Infantry "Tabak" Division, Philippine Army, Autonomous Region in Muslim Mindanao Regional (Armm) Vice Governor Haroun Alrashid Alonto Lucman Jr., ug mga municipal mayors sa probinsiya.
Gisiguro ni Bautista nga dili sila mohimo og airstrike tungod kay ilang nakit-an nga anaa nagtago ang mga terorista sa dapit nga daghang mga sibilyan ang madamay ug daghang kabtangan ang mangaguba.
"The Philippine Army and the local government units wish to end this war as soon as possible. Our premiere concern is the safety of our constituents. Right now evacuation centers near Marawi City are being identified where internally displaced persons (IDPs) shall be sheltered. Relief goods for the IDPs and soldiers in battle shall arrive soon from the Provincial Government of Lanao del Sur and the Department of Social Welfare and Development-Armm," pamahayag ni Adiong sa media.
Sa Iligan City, tulo ka mga evacuation centers ang gi-andam sa kagamhanang lokal pinaagi sa City Social Welfare and Development nga mao ang Iligan City Fisheries National High School sa Barangay Buruun, Ma. Cristina Falls National High School sa Barangay Maria Cristina ug Tomas Cabili National High School sa Barangay Tomas Cabili.
Apan matud pa ni Robert Capangpangan sa City Information Office, nga aduna la'y pito ka pamilya ang misilong, Mayo 24 sa hapon, sa ICFNHS, unom kanila Maranao, usa ang Christian.
"Pero wala na natulog ang unom sa evacuation center kay gikuha sila sa ilang mga paryente nga taga-Barangay Tambacan," miingon si Capangpangan.
Gibuksan usab sa Mindanao State University (MSU)-Iligan Institute of Technology ang building sa College of Arts and Social Sciences alang sa mga estudyante sa MSU Marawi kinsa na-trap usab tungod sa nahitabong kagubot.
“It is our obligation to help students, and we must prevent unnecessary panic,” said Chancellor Tanggol referring to the volatile situation in
Marawi City since an organized group invaded the city at about 2:00 in the afternoon on Tuesday, May 23.
Buntag niadtong Mayo 24, gi-convene ni Iligan City Mayor Celso Regencia ang executive committee sa Iligan City Peace and Order Council aron plantsahon ang mga contingency plans ug security measures sa dakbayan tungod sa Marawi City.