'Bomber' mihimakak nga Maute | SunStar

'Bomber' mihimakak nga Maute

Time to read
1 minute
Read so far

'Bomber' mihimakak nga Maute

Friday, June 16, 2017

GIPAMUGOS sa nadakpan nga gitouhang trained bomber sa Maute nga mao si Mohammad Noaim Maute nga wala gayud siyay kalambigitan sa teroristang Maute.

Matud niini dihang gihinabi sa mga sakop sa prensa nga, "Hindi po ako maute, hindi po ako Isis (Islamic State of Iraq and Syria). Isa akong arabic teacher," pamugos sa dinakpan kinsa nakasulod sa dakbayan gumikan sa pagamit niini og pekeng ID nga nagdala sa ngalan nga Alfaiz Mamintal.

Niadtong Huwebes sa buntag, Hunyo 15, nadakpan kini sa mga sakop sa Martial Law Special Action Group diha sa Macasandig.

Gikumpirma niini nga iyang hulagway ang nagkalat nga wanted nga terorista apan gipugos dili siya terorista.

"Kaya nga po ng makita ko ang mukha ko gusto ko pong linisin ang pangalan ko na di po ako terorista," pamahayag pa niini.

"Natatakot lang po talaga ako ito na nga ang kinatatakotan ko na madakip ako," dugang niini ug rason nganong nagpeke sa iyang identipikasyon.

Matud ni Police Regional Office-Northern Mindanao Director Agripino Javier nga kon gusto niini limpyohon ang ngalan nidangop kini diretso sa kapolisan ug wala na nagpeke og identipikasyon.

Samtang gibutyag sab niini nga distant relative lamang kini sa mga magsuong Maute nga maoy miatake sa Marawi City ug gisuta pa karon kon unsa pa iyang dugang kalambigitan.

Giklaro usab ni Javier nga nalambigit kini sa previous nga pagpamomba apan wala gibutyag kung lakip ba dinhi sa dakbayan sa Cagayan de Oro.

Giklaro usab niini nga dili sila pwedeng masayop sa pagtumbok niini gumikan kay gikumpirma na kini sa nagkadaiyang intelligence unit.

Gitutokan karon sa kapulisan ang pagpangita sa giingong kauban niini nga mao si Mohammad Reza Kiram nga wala pa gikumpirmar sa kapolisan kon anaa ba dinhi sa dakbayan sa Cagayan de Oro iyang presensya.

Gipatik sa mantalaang Superbalita Cagayan de Oro Hunyo 17, 2017.

View Comments