Gipuy-an sa 'bomber' miklaro nga walay kalambigitan | SunStar

Gipuy-an sa 'bomber' miklaro nga walay kalambigitan

Time to read
1 minute
Read so far

Gipuy-an sa 'bomber' miklaro nga walay kalambigitan

Friday, June 16, 2017

GIKLARO sa gipuy-an sa nasikop nga gituohang bomber sa Maute group nga wala sila masayod nga terorista na diay ang gipakatulog niini sa ilang panimalay.

Nasayran nga sukad nga niabot sa siyudad sa Cagayan de Oro si Mohammad Noaim Maute alyas "Abu Jadid" o "Almahid Pangompig Romato" nagbalhin-balhin kini og renta gikan sa usa sa mga hotel hangtod nga nahidangat sa maong panimalay.

Si Maute nigamit og peke nga identipikasyon kinsa nagpatuong estudyante sa Mindanao State University (MSU-Main Campus) ug nagdala sa ngalan nga Alfaiz Mamintal ug niingon nga usa siya ka Arabic teacher.

Gibutyag ni Police Regional Office-Northern Mindanao Director Agripino Javier nga ila usab nga imbestigahan ang maong gipuy-an gumikan kay wala kini mitaho sa mga otoridad.

“Under verification natin yun, under investigation dahil wala namang nakuha sa may-ari nang bahay wala namang ebedensiya hindi naman siya kasama sa arrest order, hindi natin hinuli ang may-ari nang bahay but we will verify,” pahayag ni Javier atol sa press conference.

Samtang sa bahin sa maong tag-iya sa pinuy-anan nga wala kini silay kasayoran nga usa na diay kini sa Maute group ug nagpatuo lamang nga bakwit gani tabang lang ang iyang gihatag ug gani wala usab kini nagrenta.

Gidugang pa nga “charge to experience” na lang matud pa kini ug dili gayud maayo nga sobra ka maayo sa tawo nga wala maila.

Gidugang usab sa nagpuyo sa maong panimalay sa pikas nga lawak nga sukad nga sukad wala matud pa kini makakita niini gumikan kay dili kini gagawas ug wala gani kini masayod nga anaa nay nagpuyo sa maong pikas nga lawak.

Sa pagkakaron ang maong dinakpan ang anaa na sa mga kamot sa otoridad.

Gipatik sa mantalaang Superbalita Cagayan de Oro Hunyo 17, 2017.

View Comments