Lalaki nasunog ang dagway | SunStar

Lalaki nasunog ang dagway

Time to read
less than
1 minute
Read so far

Lalaki nasunog ang dagway

Friday, June 16, 2017

SUNOG ang dagway ug bukton sa usa ka ulitawo human nga ni-ulbo ang kalayo sa oven niadtong Huwebes sa hapon, Hunyo 15, sa Barangay Macasandig, dakbayan sa Cagayan de Oro.

Ang biktima nailang si Richard Flores, 24, ulitawo.

Sa nahipos nga impormasiyon gikan sa Northern Mindanao Medical Center (NMMC), diin gidala ang biktima, nasayran nga gi-ablihan niini ang tangke sa wala pa niini gisindihan ang oven apan sa pagdagkot niini kalit nga ni-ulbo ang kalayo.

Gumikan sa dakong pag-ulbo sa kalayo hinungdan nga maayong pagkasunog sa dagway niini lakip na ang iyang bukton. Gikabutyag usab nga dili pa kaayo sweto sa maong butang ang nahisgutang biktima

Sa pagkakaron, padayon pa nga nagpaalim sa NMMC ning dakbayan ang nahisgutang biktima.

Gipatik sa mantalaang Superbalita Cagayan de Oro Hunyo 17, 2017.

View Comments