Batan-ong babaye napalgan sa kasagbutan | SunStar

Batan-ong babaye napalgan sa kasagbutan

Time to read
less than
1 minute
Read so far

Batan-ong babaye napalgan sa kasagbutan

Sunday, June 18, 2017

NAGBUY-OD ug us-os na ang gisul-ob nga pantalon ug underwear sa usa ka babaye nga napalgan sa kasagbutan nga bahin sa abandonadong lote sa Block 8, Isla Cupa, Barangay Consolacion, dakbayan sa Cagayan de Oro.

Gibana-banang nagpangidaron og 15 ngadto sa 17 anyos ang babaye kinsa gitoohang gilugos.

Sa nahipos nga impormasiyon, gikabutyag nga gikagubtan sa mga residente sa dihang aduna’y nagbuy-od sa kasagbutan duol sa mga basura ug gani unang gituohan nga wala na kini kinabuhi.

“Usa ka lango sa ilimnong makahubog. Medyo dili maayo ang iyang sitwasiyon sa pagkakaron, naa daw siya’y mga kauban ga-inom kagahapon diha sa Corrales, naa pud ko’y nadungog sigon sa mga nakakita diri kauban daw ni nila’g inom didto [sa Corrales] kagahapon naa daw ni kauban nga bae nga taga diri sa among barangay,” pahayag ni Donnie Labita, Barangay Kagawad sa maong dapit sa interbyu sa radyo.

Nasayran nga ang biktima wala sa kaugalingon ug gani dili maayo ang sitwasiyon niini kay halos dili na kini motingog.

Sa pagkakaron, kasamtangan pa nga giimbestigahan ang panghitabo ug gisuta sa kapolisan kung aduna’y nahitabong pagpanamastamas ngadto sa babaye nga wala pa’y identipikasiyon sa pagsulat niini nga balita.

Gipatik sa mantalaang Superbalita Cagayan de Oro Hunyo 19, 2017.

View Comments