Hubog gitigbas sa kauban, patay | SunStar

Hubog gitigbas sa kauban, patay

Time to read
less than
1 minute
Read so far

Hubog gitigbas sa kauban, patay

Sunday, June 18, 2017

GITIGBAS sa makadaghang higayon ang usa ka lalaki sa iyang kauban sa trabaho sa Magsalay residence, Purok 3 Mabuhay, Baungon, Bukidnon.

Patay si Jonathan Lacquio, 38, nagpuyo sa maong dapit samtang ang suspek ang kauban ra usab ug boluntaryong mitahan sa kapolisan.

Sa inisyal nga imbestigasiyon, gikabutyag nga subay pa sa mga nakasaksi, pulos lango sa ilimnong makahubog ang biktima ug ang suspetsado diin posibleng nagkabingkil ug miresulta sa insidenteng pagpanigbas.

Giingong anaa sulod sa balay ang biktima kay nag-charge og cellular phone apan nakadungog nga aduna’y nagsinggit-singgit sa gawas hinungdan nga migawas usab kini og sa dihang nakita ang suspek kalit lamang niini nga gisumbag.

“Naa man nagsinggit sa gawas unya nakainom pud ning natigbasan paggawas niya kita man ni niyang nanigbas nga nagdala og plato’g baso, gideretsohan niya’g sumbag. Pagkasumbag, natumba iya ra po’ng gipabangon kay iya napung gisumbag, naka manage man ning isa kay nagdala man ni, nag tuck in man ni’g sundang, gibunot niyang sundang daw iyang gitigbas,”pahayag ni Police Officer 3 Jinky Balatayo, imbestigador sa Baungon Police Station.

Nakaangkon ang biktima og ubay-ubay ka mga samad tinigbasan sa nagkadaiyang parte sa kalawasan niini hinungdan sa hinanali nga kamatayon.

Sa pagkakaron, ang suspetsado ang nagtingkagol na sa bilanggoan sa Baungon Police Station human nga boluntaryong mitahan sa mga otoridad dala usab ang gigamit niini nga hinagiban.

Gipatik sa mantalaang Superbalita Cagayan de Oro Hunyo 19, 2017.

View Comments