Lalaki gipatay sa NPA | SunStar

Lalaki gipatay sa NPA

Time to read
less than
1 minute
Read so far

Lalaki gipatay sa NPA

Sunday, June 18, 2017

TULO ka samad dinunggaban ang naangkon sa usa ka lalaki human kini gipusil sa giingong membro sa New People’s Army (NPA) niadtong Biyernes, Hunyo 16, sa Manga-od, Mandahican, Cabanglasan, Bukidnon.

Patay si Jason Ogade Lahindao, residente sa maong dapit tungod sa mga samad pinusilan nga naangkon.

Sa impormasiyon nga nahipos gikan sa kapolisan, gikabutyag nga samtang anaa sa maong dapit ang biktima kalit lang kining gipusil sa makadaghang higayon sa wala mailang suspetsado, apan gituohang sakop sa NPA, kinsa daling misibat human sa pagpamusil sa wala ikabutyag nga direksiyon.

Nakuha gikan sa crime scene ang duha ka fired cartridge sa M16 rifle diin posibleng mao’y gigamit sa suspek.

Nakaangkon og tulo ka mga samad pinusilan ang biktima sa nagkadaiyang parte sa kalawasan hinungdan sa daling kamatayon niini.

Padayon pa nga gisusi sa mga otoridad ang motibo sa krimen samtang gawasnon pa ang suspetsado.

Gipatik sa mantalaang Superbalita Cagayan de Oro Hunyo 19, 2017.

View Comments