Lalaki sapon nagsuyop sulod sa inn | SunStar

Lalaki sapon nagsuyop sulod sa inn

Time to read
less than
1 minute
Read so far

Lalaki sapon nagsuyop sulod sa inn

Monday, June 19, 2017

ARESTADO ang usa ka lalaki human sapon nga nagsuyop og ginadili nga droga alas 7 sa gabii niadtong Sabado, Hunyo 17, sulod sa usa ka inn nga nahimutang sa Capistrano-Yacapin St., dakbayan sa Cagayan de Oro.

Giila ang dinakpan nga si Paulo Añonuevo, residente sa susamang dapit.

Ang operasyon gipahigayon sa Police Station 1 sa Divisoria sa pagpangulo sa ilang hepe nga si Police Senior Inspector Glenn Caburutan human ang ilang target sa operasyon ang giingong nagcheck-in sulod sa D Morvie inn room 196 ug gitawag pa sa ilang buhatan ang gihimo sa suspek.

Sa operasyon, nasapon kini nga kamulo og pot session ug nakuha sa posisyon niini ang usa ka pakete sa gitouhang shabu ug uban ang lain pang illegal drug paraphernalia.

Ang dinakpan nagtingkagol na karon sa prisuhan sa Maharlika Detention Cell ning panahona kinsa mag-atubang og kasong supak sa Republic Act 9165 kon Dangerous Drugs Act. (SVB)

Gipatik sa mantalaang Superbalita Cagayan de Oro Hunyo 20, 2017.

View Comments