Paglabay og lapok sa simbahan gikondena | SunStar

Paglabay og lapok sa simbahan gikondena

Time to read
less than
1 minute
Read so far

Paglabay og lapok sa simbahan gikondena

Monday, June 19, 2017

GIIMBESTIGAHAN karon sa kapolisan kon kinsa ang responsabli sa pagpanamastamas-tamas pinaagi sa paglabay og lapok sa dingding lakip basura sa usa ka kapilya sa simbahang katoliko sa Mabasa, Balulang, dakbayan sa Cagayan de Oro.

Nagmarka ug namilit pa ang lapok sa kapilya ug nagkalat ang basura palibot sulod niini hinungdan gikasubo kini nga panghitabo sa mga Romanong Katoliko sa dapit.

Gibutyag ni Carmen Police Station 4 Chief Richie Salva nga adunay usa ka bata nga 9 anyos ang ilang giimbestigahan ning panahona.

Naila kini nga alyas Turko. Apan dili pa makumpirma sa kapolisan kon positibo ba kini nga bata gumikan kay kinahanglan pa kini nilang susihon og maayo.

Hinuon ang pamilya sa bata mipaabot nga imposibleng mahimo kini sa bata labina nga wala may nakakita sa hitabo.

Sa iyang bahin ni Monsignor Rey Monsanto sa Archiodiocese sa Cagayan de Oro, nibutyag nga bisan unsa nga simbahan angayan irespesto unta sa katawhan dili man kini sakop sa relihiyon.

Matud ni Monsanto nga kung dili ganahan sa usa ka relihiyon magrespeto lang ug dili ipaagi sa ingon ani. Ang hitabo hugot nga gikondena sa simbahang katoliko.

Gani kadtong mga nikatap nga video sa gihimo sa Maute Group sa simbahang katoliko sa dakbayan sa Marawi ang sakit sa ilang bout ug hugot nga gikondena ang mga hinimoang susama niini.

Gipatik sa mantalaang Superbalita Cagayan de Oro Hunyo 20, 2017.

View Comments