NAILA na ang usa ka patay nga lawas nga napalgan nga naglutaw-lutaw alas 10 sa buntag niadtong Lunes, Hunyo 19, sa kadagatan sa Kinoguitan, Misamis Oriental.
Ang biktima nga namatay nailang si Roberto Abatay, 80, residente ra usab sa usa sa mga barangay sa maong dapit.
Sa nahipos nga impormasiyon, gikabutyag nga napalgan na sa mananagat ang patay nga lawas sa kadagatan sa maong dapit hinungdan nga gidala kini paingon sa mala nga bahin.
Subay pa sa pamilya sa biktima, nakurat sila sa dihang pagmata wala na sa higdaan ang biktima ug nasayran na lamang nga napalgan na kini nga galutaw-lutaw ug wala na’y kinabuhi.
Gikabutyag nga gumikan sa pagkalumos ang hinungdan sa hinanali nga kamatayon sa maong lolo.
Sa pagkakaron, ang patay nga lawas ang gi-atiman na sa nahabiling pamilya.