SUGOD sa bulan sa Marso paingon sa bulan sa Hunyo mobalor na sa P8,407,503 ang mga kinatibuk-ang shabu nga nasakmit sa Cagayan de Oro City Police Office (Cocpo).
Sa maong kadak-on, moabot sa 380 ka mga illegal drug operations, 616 ka mga naaresto, 5,586 ka mga nisurender, 1,517 ang nabisita, 240 ang napasakaan og kaso apan usa niini napatay sa lehitimong drug operation.
Si Cocpo spokesperson Mardy Hortillosa niingon nga taliwala ubos sa martial law ang lugar, padayon ang illegal drug operation sa kapolisan labina kini gayud ang nag-unang tinguha ni Presidente Rodrigo Duterte nga mawala ang ginadili nga druga dinhi sa nasod.
Si Police Senior Superintendent Robert Roy Bahian nipaabot sa iyang pagdayeg sa iyang mga sakop labina ang tanan nga mga istasyon nga padayon sa pagpangdakop sa nalambigit sa ginadili nga droga.
Tungod niini, giawhag ang katawhan nga padayon silang suportahan aron mahimong drug free ang dakbayan.