NAGPATALA ang usa ka babaye human nga gipasanginlan sa silingan nga kabit sa iyang bana sa Paglaum, Camaman-an ning dakbayan sa Cagayan de Oro.
Nidangop sa buhatan sa Police Station 2 sa Cogon si Annie Rose (bansagon gitago), 38, minyo, sa susamang dapit ug gireklamo ang ang silingan nga si Annalie (bansagon gitago).
Sa impormasiyon nga nahipos sa Police Station 2 sa Cogon, gikabutyag nga nabalaka ang biktima human nga nagsinggit-singgit ang maong suspek ug gipakaulawan ang biktima.
Giingong nabalaka kini ug naulaw tungod na usab kay walay kamatuoran ang maong alegasiyon sa silingan ug nahadlok kini kay dako man usab kining minyo.
Nakadungog ang ilang mga kasilinganan, mga nanlabay nga mga tawo lakip na ang mga tambay.
Gipugngan na lamang usab niini ang kapungot mao nga wala na mipatol sa suspek ug nagpatala na lamang sa kapolisan.
Sa pagkakaron, nakatala na sa buhatan sa kapolisan ang maong insidente ug giduso na sa Barangay Lupon alang sa tukmang disposasiyon.