USA lamang si Misamis Oriental Governor Yevgeny Emano nga miuyon og misuporta sa gisugyot nga lugway sa martial law sa Mindanao.
Gisugyot ni Presidente Rodrigo Duterte nga ang martial law patas-an hangtod sa katapusang adlaw sa Disyembre ning tuiga.
Matud ni Emano nga uyon siya niini apan paspasan lang unta sa gobyerno ang pagsulbad sa kagubot sa Marawi aron dili maapektuhan ang lokal nga ekonomiya sa Mindanao labina aduna na siyay gakadawat nga report nga adunay pagkunhod sa ekonomiya.
Gibutyag sa gobernador nga dili angayan ikabalaka ang paglugway sa martial law.
“We have nothing to worry about prolonging the implementation of military rule in Mindanao as we recorded or heard no abuses done by the authorities especially in Misamis Oriental,” Emano said, though he admitted that the number of tourists visiting the different tourism destinations in the province is lower nowadays.
Apan ang Simbahang Katoliko, nagpaabot nga taas ra kaayo kini nga lugway ug mahimong sa apektadong lugar lang kini ipatuman.
Si Monsignor Persius Cabunoc sa St. Augustine Church namahayag nga dili na siya uyon nga hatagan og extension ang martial law kini tungod kay dili mabanas sulod sa 60 ka adlaw ang terorismo.
Daw mas modako ang kagubot kung magsige og airstrike ug basin moabot sa lugar ang mga terorista nga mas modako ang kadaot sa Mindanao.
Supak kini sa padayong airstrike. Daw kadakong binuang nga gipulpog na ang dakbayan apan ang terorista nagpabilin gihapon. (SVB)