NANUMPA ang 359 ka mga bag-ong police officer 1 sa Police Regional Office (PRO)–Northern Mindanao, sa Camp Alagar, Lapasan, dakbayan sa Cagayan de Oro niadtong Biyernes, Hulyo 21.
Matud ni Police Superintendent Lemuel Gonda, tigpamaba sa PRO–Northern Mindanao, nga under qouta ang rehiyon gumikan kay 600 unta ang gikinahanglan sa matag tuig apan ning tuig 359 lamang nahibilin.
Sa gidaghanon, mokabat sa 238 niini mga lalaki ug 108 ka mga babae.
Adunay 13 kanila ang wala napadayon gumikan kay adunay wala nakakumpleto sa requirements.
Dugang ni Gonda nga ang mga bag-ong nanumpa mopaingon ngadto sa Regional Training Center sa Barangay Patag alang sa ilang training nga paghimoun.
Sukad sa ilang pag-training, nagsugod na usab ang ilang pagdawat sa binulan nga sweldo.
Sa iyang bahin ni Police Senior Superintendent Timoteo Pacleb, PRO-Northern Mindanao director, nibutyag nga malaumon siyang kining bag-ong mga pulis himuon ang ilang tahas ug subayon ang gipanumpaan nga protekahan ang katawhan ug mohatag og seguridad sa palibot labina ang mga bag-ong polis maoy mohulip sa mga mireterong pulis nga mikumpleto sa ilang 20 ka tuig nga pagserbisyo.(SVB)