Mga bakwit sa Opol gipapauli na | SunStar

Mga bakwit sa Opol gipapauli na

Time to read
less than
1 minute
Read so far

Mga bakwit sa Opol gipapauli na

Sunday, August 13, 2017

GIKUMPIRMA ni Misamis Oriental Provincial Police Director Rolando Destura nga gipapauli na ang mga bakwit gikan sa pipila ka hinterland barangay sa lungsod sa Opol.

Gibutyag ni Destura nga nakumpirma sa kapolisan ug kasundalohan nga wala nay presensya sa mga armadong grupo sa dapit hinungdan niadtong adlawng Sabado giabisohan ang mga bakwit nga pwede na mobalik sa ilang mga tagsa tagsa ka puloy-anan.

Ang mga bakwit gilangkuban sa 122 ka pamilya kon 588 ka indibidwal gikan sa Barangay Nangcaon ug 2 ka pamilya kon 12 ka indibidwal gikan sa Barangay Limonda.

Niaging semana gikabalaka niining mga bakwit ang presensya sa mga armado sa kabalaka nga basin unya magresulta sa kagubot ug maipit sila sa giyera.

Hinoun sa ilang pagpauli ang local nga kagamhanan sa lungsod sa Opol Misamis Oriental ang mipadala sab og pagkaon alang kanila. (SVB)

Gipatik sa mantalaang Superbalita Cagayan de Oro Agosto 14, 2017.

View Comments