Inahan gihulog sa anak | SunStar

Inahan gihulog sa anak

Time to read
less than
1 minute
Read so far

Inahan gihulog sa anak

Wednesday, September 13, 2017

DILI makalakaw ang usa ka inahan human nga gihulog kini sa taas nga bahin sa kaugalingong anak sa Barangay Camaman-an, Cagayan de Oro.

Nakaangkon og bun-og sa nagkadaiyang parte sa kalawasan ug dili na makalakaw ang usa ka inahan nga si Lourdes (bansagon gitago), 76, minyo ug residente sa maong dapit human nga gihulog kini sa anak nga si Gabriel, 30, ulitawo.

Sa impormasiyon nga nahipos gikan sa kapolisan, nasuko ang anak ngadto na sa biktima human nga wala magkasinabot diha sa hisgutanan sa pamilya nga miabot sa punto nga gitulod niini ang inahan hinungdan sa pagkahulog niini sa taas-taas nga bahin sa ilang dapit.

Gikabutyag nga nagpakitabang ug nidangop ang laing anak sa biktima nga si Jimmy, 52, adunay kaipon, nga taga Bolonsori, Camaman-an ngadto sa kapolisan kalabot sa maong panghitabo.

Gumikan sa gihabugon sa gihulogan niini miresulta kini sa pagkaangol sa tigulang na niini nga inahan ug gani di na kini makalakaw.

Sa pagsulat niini nga balita, ang insidente nakatala na sa buhatan sa kapolisan ug giduso na usab sa Barangay Lupon alang sa tukmang disposasiyon ilabi na kay magpamilya ra ang nalambigit niini.

Gipatik sa mantalaang Superbalita Cagayan de Oro Septembre 14, 2017.

View Comments