RTA enforcer giligsan sa motorela driver | SunStar

RTA enforcer giligsan sa motorela driver

Time to read
less than
1 minute
Read so far

RTA enforcer giligsan sa motorela driver

Wednesday, September 13, 2017

GIBANGGAAN sa motorela driver ang miyembro sa Road and Traffic Administration human nga nasuko kini sa dihang gisita diha sa may Luna Street Junction Corrales avenue, Barangay 27, Cagayan de Oro.

Sikop ang suspek nga nailang si Aris Taguba, 34, minyo ug residente sa Zone 8, Bonbon, ang Traffic enforcer naila nga si Florence Jun Rapirap, 27, ulitawo ug residente sa Zone-10, Barangay Cugman.

Sa nahipos nga impormasiyon gikabutyag nga samtang anaa sa gidestinong dapit ang maong enforcer gisita niini ang drayber sa motorela nga si Taguba human nga nakalapas sa balaod trapiko.

Giingong gisupak niini ang traffic sign nga “no loading and unloading” human nga nagpasakay og pasahero sa maong dapit hinungdan nga gisita apan nasuko kini.

Dali usab kining nakasibat human usab nga gibanggaan ang maong tigpatuman sa balaod trapiko apan sa pagbalik niini gisikop gyud dayon kini sa mga otoridad.

Sa pagsulat niini nga balita ang maong drayber nagtingkagol na sa mini-cell sa Cogon Police Station alang sa tukmang disposasiyon.

Gipatik sa mantalaang Superbalita Cagayan de Oro Septembre 14, 2017.

View Comments