Tour package alang sa MisOr tourist spot andam na

GILUSAD na sa Misamis Oriental Provincial Tourism Office ang usa ka semana nga kasaulogan sa Provincial Tourism Week.

Gipasundayag sa buhatan ang nagkadaiyang tsad nga lugar sa probinsya nga gilangkoban sa 44 ka mga tourism sites gikan sa walo ka lungsod sama sa Tagoloan, Naawan, Claveria, Initao, Manticao, Laguindingan, Lugait ug Opol.

Nakaandam na usab ang tour package alang sa tanang gustong mobisita sa mga tourism site sa nasangpit nga mga lungsod.

Mokabat sa 599 hangtod 2,500 pesos ang budget nga gikinahanglan alang sa mga interesadong molibot-suroy sa probinsya diin lakip na sa maong budget ang sakyanan paingon sa area ug ang libreng paniudto.

Nanawagan usab si Provincial Tourism Officer Yvonne Waga sa tanang bout mo-avail sa ilang tour package nga mobisita lamang sa ilang buhatan sa Provincial Capitol.

Ang dry-run sa tour package ipahigayon ugmang adlawa sa lungsod sa Claveria samtang sa Septembre 15 ipahigayon ang dry-run sa tour package sa lungsod sa Laguindingan. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph