NAKALINGKAWAS sa iyang kamatayon ang usa ka lalaki human moambak unta sa tulay apan nasangit sa cable wire sa lungsod sa Villanueva, Misamis Oriental.
Ang biktima giilang si Benjamin Panugaling, lumad nga taga Quezon, Bukidnon, ang giingong unang nanukmag sa iyang naengkwentro sa dapit.
Sa inisyal nga imbestigasyon sa Villanueva Police Station nasuta nga kining biktima adunay gikaengwentro nga batan-on sa dapit apan gitabangan hinoun kini sa mga batan-on ug gigukod.
Tungod kay wala naman kini lain mapaingnan ug madaganan gawas sa tulay miambak kini apan maayo na lamang nasangit kini sa cable wire sa maong tulay ug hinay hinay dayon nga nahulog.
Gidala ang biktima sa Northern Mindanao Medical Center ning panahona ug anaa na sa luwas nga kahimtang.