Mga adik gipanawagan nga magpa-rehab | SunStar

Mga adik gipanawagan nga magpa-rehab

Time to read
less than
1 minute
Read so far

Mga adik gipanawagan nga magpa-rehab

Tuesday, October 03, 2017

GIBUTYAG SA Philippine Drug Enforcement Agency (PDEA)-Northern Mindanao nga pahimuslan ang rehabilitasyon nga gitanyag sa gobyerno.

Matud ni PDEA-Northern Mindanao agent Ben Calibre nga iyang gihangyo kadtong mga nalambigit sa ginadili nga druga nga molambigit niining tanyag sa gobyerno nga rehabilitasyon tungod kay alang kini sa ilang kaayohan.

Dugang ni Calibre nga aduna silay uban mga na-monitor nga wala giseryoso ang rehabilitasyon ug ang pipila gabalik gihapon sa ilang naandan nga bisyo ning panahona.

Gipasabot usab ni Calibre nga nagbubo og pundo ang gobyerno alang niini ug unta tabangan sa mga nalambigit niini ang maong kausa sa gobyerno.

Gipasalamatan sab niini ang pipila ka mga local nga kagamhanan nga nagtukod og mga rehabilitation center alang niining mga nalambigit sa ginadili nga druga.

Bag-ohay lang gipakita sa kagamhanang local sa Cagayan de Oro ang drug rehabilitation center nga nahimutang sa Upper Puerto nga kamulo pa gitukod nga maoy ilang gipundohan.

Ang maong center adunay ibutang 150 ka mga higdaanan ug gikatakdang ipadagan sa Department of Health ug modawat sa mga adik daghan na ang gikalambigitan nga kaso.

Gipatik sa mantalaang Superbalita Cagayan de Oro Oktubre 04, 2017.

View Comments